mujassama ai siyah faam hasiina tiraa uryaan paikar

Ai siyah-faam haseena tiraa 'uryaan paikar Kitnee pathraa.ee huee aankhon men ghalteeda hai Jaane kis daur-e-alam-naak se le kar ab tak Too kaDe waqt ke zindaanon men khvaabeeda hai Tere sab rang hayoole ke ye be-jaan nuqoosh Jaise marboot khayaalaat ke taane-baane Ye tiree saanvlee rangat ye pareshaan khutoot Baarhaa jaise miTaayaa ho inhen dunya ne Resha-e-sang se kheenchee huee zulfen jaise Raaste seena-e-kohsaar pe bal khaate hain Abrooon kee jhukee mehraabon men jaamid palken Jis tarah tiir kamaanon men ulajh jaate hain Munjamid honTon pe sannaaTon kaa sangeen tilism Jaise naayaab khazaanon pe kaDe pahre hon Tund jazbaat se bharpoor barahna siina Jaise sustaane ko toofaan zaraa Thahre hon Jaise yoonaan ke maghroor khuda-vandon ne Regzaaraan-e-habsh kee kisee shahzaadee ko Tishna roohon ke havasnaak ta.ayyush ke liye Hajla-e-sang men paaband banaa rakkhaa ho Ai siyah-fam hasina tera 'uryan paikar Kitni pathrai hui aankhon mein ghaltida hai Jaane kis daur-e-alam-nak se le kar ab tak Tu kaDe waqt ke zindanon mein KHwabida hai Tere sab rang hayule ke ye be-jaan nuqush Jaise marbut KHayalat ke tane-bane Ye teri sanwli rangat ye pareshan KHutut Barha jaise miTaya ho inhen duniya ne Resha-e-sang se khinchi hui zulfen jaise Raste sina-e-kohsar pe bal khate hain Abruon ki jhuki mehrabon mein jamid palken Jis tarah tir kamanon mein ulajh jate hain Munjamid honTon pe sannaTon ka sangin tilism Jaise nayab KHazanon pe kaDe pahre hon Tund jazbaat se bharpur barahna sina Jaise sustane ko tufan zara Thahre hon Jaise yunan ke maghrur KHuda-wandon ne Regzaran-e-habsh ki kisi shahzadi ko Tishna ruhon ke hawasnak tayyush ke liye Hajla-e-sang mein paband bana rakkha ho