mujh se pahle mujh se pahle tujhe jis shakhs ne chaahaa us ne

Mujh se pahle tujhe jis shakhs ne chaahaa us ne Shaayad ab bhee tiraa gham dil se lagaa rakkhaa ho Ek be-naam see ummeed pe ab bhee shaayad Apne khawabon ke jazeeron ko sajaa rakkhaa ho Main ne maanaa ki wo begaana-e-paimaan-e-wafa Kho chukaa hai jo kisee aur kee ra.anaa.ee men Shaayad ab lauT ke aa.e na tiree mahfil men Aur koi dukh na rulaa.e tujhe tanhaa.ee men Main ne maanaa ki shab o roz ke hangaamon men Vaqt har gham ko bhulaa deta hai rafta rafta Chaahe ummeed kee sham.en hon ki yaadon ke charaagh Mustaqil bo.ad bujhaa deta hai rafta rafta Phir bhee maazee kaa khayaal aataa hai gaahe-gaahe Muddaten dard kee lau kam to nahin kar sakteen Zakhm bhar jaa.en magar daagh to rah jaataa hai Dooriyon se kabhi yaaden to nahin mar sakteen Ye bhee mumkin hai ki ik din wo pasheemaan ho kar Tere paas aa.e zamaane se kinaaraa kar le Too ki ma.asoom bhee hai zood-faraamosh bhee hai Us kee paimaan-shikanee ko bhee gavaaraa kar le Aur main jis ne tujhe apna maseehaa samjhaa Ek zakhm aur bhee pahle kee tarah sah jaaon Jis pe pahle bhee ka.ee ahd-e-wafa TuuTe hain Isee do-raahe pe chup-chaap khaDaa rah jaaon Mujh se pahle tujhe jis shaKHs ne chaha us ne Shayad ab bhi tera gham dil se laga rakkha ho Ek be-nam si ummid pe ab bhi shayad Apne KHwabon ke jaziron ko saja rakkha ho Main ne mana ki wo begana-e-paiman-e-wafa Kho chuka hai jo kisi aur ki ranai mein Shayad ab lauT ke aae na teri mahfil mein Aur koi dukh na rulae tujhe tanhai mein Main ne mana ki shab o roz ke hangamon mein Waqt har gham ko bhula deta hai rafta rafta Chahe ummid ki shamen hon ki yaadon ke charagh Mustaqil boad bujha deta hai rafta rafta Phir bhi mazi ka KHayal aata hai gahe-gahe Muddaten dard ki lau kam to nahin kar saktin ZaKHm bhar jaen magar dagh to rah jata hai Duriyon se kabhi yaaden to nahin mar saktin Ye bhi mumkin hai ki ek din wo pashiman ho kar Tere pas aae zamane se kinara kar le Tu ki masum bhi hai zud-faramosh bhi hai Us ki paiman-shikani ko bhi gawara kar le Aur main jis ne tujhe apna masiha samjha Ek zaKHm aur bhi pahle ki tarah sah jaun Jis pe pahle bhi kai ahd-e-wafa TuTe hain Isi do-rahe pe chup-chap khaDa rah jaun