muntazir kab se tahayyur hai tirii taqriir kaa

Muntazir kab se tahayyur hai tiree taqreer kaa Baat kar tujh par gumaan hone lagaa tasveer kaa Raat kya so.e ki baaqee umr kee niind uD ga.ee Khvaab kya dekhaa ki dhaDkaa lag gaya taabeer kaa Kaise paayaa thaa tujhe phir kis tarah khoyaa tujhe Mujh saa munkir bhee to qaa.el ho gaya taqdeer kaa Jis tarah baadal kaa saaya pyaas bhaDkaataa rahe Main ne ye aalam bhee dekhaa hai tiree tasveer kaa Jaane kis aalam men too bichhDaa ki hai tere baghair Aaj tak har naqsh fariyaadee miree tahreer kaa Ishq men sar phoDnaa bhee kya ki ye be-mehr log Joo-e-khoon ko naam de dete hain joo-e-sheer kaa Jis ko bhee chaahaa use shiddat se chaahaa hai 'faraaz' Silsila TuuTaa naheen hai dard kee zanjeer kaa