safed chhadiyaan
— Ahmad Faraz
Janam kaa andhaa
Jo soch aur sach ke raaston par
Kabhee kabhi koi khvaab dekhe
To khvaab men bhee
Azaab dekhe
Ye shaahraah-e-hayat jis par
Hazaar-haa qaafile ravaan hain
Sabhee kee aankhen
Har ek kaa dil
Sabhee ke raste
Sabhee kee manzil
Isee hujoom-e-kashaan-kashaan men
Tamaam chehron kee daastaan men
Na naam meraa
Na zaat meree
Miraa qabeela
Safed chhaDiyaan
Janam ka andha
Jo soch aur sach ke raston par
Kabhi kabhi koi KHwab dekhe
To KHwab mein bhi
Azab dekhe
Ye shahrah-e-hayat jis par
Hazar-ha qafile rawan hain
Sabhi ki aankhen
Har ek ka dil
Sabhi ke raste
Sabhi ki manzil
Isi hujum-e-kashan-kashan mein
Tamam chehron ki dastan mein
Na nam mera
Na zat meri
Mera qabila
Safed chhaDiyan