sarhaden

Kis se Darte ho ki sab log tumhaaree hee tarah Ek se hain vahee aankhen vahee chehre vahee dil Kis pe shak karte ho jitne bhee musaafir hain yahaan Ek hee sab kaa qabeela vahee paikar vahee gil Ham to wo the ki mohabbat tha vateera jin kaa Pyaar se miltaa to dushman ke bhee ho jaate the Is tavaqqo.a pe ki shaayad koi mehmaan aa jaa.e Ghar ke darvaaze khule chhoD ke so jaate the Ham to aa.e the ki dekhenge tumhaare qarye Vo dar-o-baam ki taareekh ke soorat-gar hain Vo areene wo masaajid wo kaleesaa wo mahal Aur wo log jo har naqsh se afzal-tar hain Rome ke but hon ki paris kee ho monalisa Keats kee qabr ho yaa turbat-e-firdausee ho Qartaba ho ki ajantaa ki mohanjodaDo Deeda-e-shauq na mahroom-e-nazar-bosee ho Kis ne dunya ko bhee daulat kee tarah baanTaa hai Kis ne taqseem kiye hain ye asaase saare Kis ne deevaar tafaavut kee uThaa.ee logo Kyuun samundar ke kinaare pe hain pyaase saare Kis se Darte ho ki sab log tumhaari hi tarah Ek se hain wahi aankhen wahi chehre wahi dil Kis pe shak karte ho jitne bhi musafir hain yahan Ek hi sab ka qabila wahi paikar wahi gil Hum to wo the ki mohabbat tha watira jin ka Pyar se milta to dushman ke bhi ho jate the Is tawaqqoa pe ki shayad koi mehman aa jae Ghar ke darwaze khule chhoD ke so jate the Hum to aae the ki dekhenge tumhaare qarye Wo dar-o-baam ki tariKH ke surat-gar hain Wo arine wo masajid wo kalisa wo mahal Aur wo log jo har naqsh se afzal-tar hain Rome ke but hon ki paris ki ho monalisa Keats ki qabr ho ya turbat-e-firdausi ho Qartaba ho ki ajanta ki mohanjodaDo Dida-e-shauq na mahrum-e-nazar-bosi ho Kis ne duniya ko bhi daulat ki tarah banTa hai Kis ne taqsim kiye hain ye asase sare Kis ne diwar tafawut ki uThai logo Kyun samundar ke kinare pe hain pyase sare