savaal

Ik sang taraash jis ne barson Heeron kee tarah sanam taraashe Aaj apne sanam-kade men tanhaa Majboor niDhaal zakhm-khurda Din raat paDaa karaahtaa hai Chehre pe ujaaD zindagee ke Lamhaat kee an-ginat kharaashen Aankhon ke shikasta marqadon men RooThee huee hasraton kee laashen Saanson kee thakan badan kee ThanDak Ehsaas se kab talak lahoo le Haathon men kahaan sakat ki baDh kar Khud-saakhta peekaraan ko chhoo le Ye zakhm-e-talab ye naa-muraadee Har but ke labon pe hai tabassum Ai tesha-ba-dast devtaao! Takhleeq aziim hai ki khaaliq Insaan javaab chaahtaa hai Ek sang tarash jis ne barson Hiron ki tarah sanam tarashe Aaj apne sanam-kade mein tanha Majbur niDhaal zaKHm-KHurda Din raat paDa karahta hai Chehre pe ujaD zindagi ke Lamhat ki an-ginat KHarashen Aankhon ke shikasta marqadon mein RuThi hui hasraton ki lashen Sanson ki thakan badan ki ThanDak Ehsas se kab talak lahu le Hathon mein kahan sakat ki baDh kar KHud-saKHta pikaran ko chhu le Ye zaKHm-e-talab ye na-muradi Har but ke labon pe hai tabassum Ai tesha-ba-dast dewtao! TaKHliq azim hai ki KHaliq Insan jawab chahta hai