shahr naama wo ajiib subh e bahaar thii

Wo 'ajeeb sub.h-e-bahaar thee Ki sahar se nauhagaree rahi Miree bastiyaan thiin dhuaan-dhuaan Mire ghar men aag bharee rahi Mire raaste the lahoo-lahoo Miraa qarya qarya figaar tha Ye kaf-e-havaa pe zameen thee Vo falak ki musht-e-ghubaar tha Ka.ee aabshaar se jism the Ki jo qatra-qatra pighal ga.e Ka.ee khush-jamaal tilism the Jinhen gard-baad nigal ga.e Koee khvaab nok-e-sinaan pe tha Koee aarzoo tah-e-sang thee Koee phuul aabla aabla Koee shaakh marqad-e-rang thee Ka.ee laapata meree lo'baten Jo kisee taraf kee na ho sakeen Jo na aane vaalon ke saath thiin Jo na jaane vaalon ko ro sakeen Ka.ee taar saaz se kaT ga.e Kisee mutriba kee rag-e-guloo Mai-e-aatisheen men wo zahr tha Ki taDakh ga.e qadah-o-suboo Koee nai-navaaz tha dam-ba-khud Ki nafas se hiddat-e-jaan ga.ee Koee sar-ba-zaanoo tha 'baarbad' Ki sadaa-e-dost kahaan ga.ee Kaheen naghmagee men wo bain the Ki samaa'aton ne sune nahin Kaheen goonjte the wo marsiye Ki 'anees' ne bhee kahe nahin Ye jo sang-rezon ke Dher hain Yahaan motiyon kee dukaan thee Ye jo saa.ebaan dhuen ke hain Yahaan baadalon kee uDaan thee Jahaan raushnee hai khanDar khanDar Yahaan qumqumon se javaan the Jahaan chyoonTiyaan huiin khema-zan Yahaan jugnooon ke makaan the Kaheen aabgeena khayaal kaa Ki jo karb-e-zabt se chuur tha Kaheen aa.eena kisee yaad kaa Ki jo 'aks-e-yaar se duur tha Mire bismilon kee qanaa.aten Jo baDhaa.en zulm ke hausle Mire aahooon kaa chakeeda Khoon Jo shikaariyon ko suraagh de Miree adl-gaahon kee maslahat Mire qaatilon kee vakeel hai Mire khaanqaahon kee manzilat Miree buzdilee kee daleel hai Mire ahl-e-harf-o-sukhan-saraa Jo gadaagaron men badal ga.e Mire ham-safeer the heela-joo Kisee aur samt nikal ga.e Ka.ee faakhtaaon kee chaal men Mujhe kargason kaa chalan lagaa Ka.ee chaand bhee the siyaah roo Ka.ee soorajon ko gahan lagaa Koee taajir-e-hasb-o-nasab Koee deen-farosh qadeem hai Yahaan kafsh-bar bhee imaam hain Yahaan na.at-khvaan bhee kaleem hai Koee fikrmand kulaah kaa Koee da.ave-daar qabaa kaa hai Vahee ahl-e-dil bhee hain zeb-tan Jo libaas ahl-e-riyaa kaa hai Mire paasbaan mire naqb-zan Miraa mulk mulk-e-yateem hai Miraa des meer-e-sipaah kaa Miraa shahr maal-e-ghaneem hai Jo ravish hai saahib-e-takht kee So musaahibon kaa tareeq hai Yahaan kotvaal bhee duzd-e-shab Yahaan shaikh-e-deen bhee fareeq hai Yahaan sab ke narkh judaa judaa Ise mol lo ise taul do Jo talab kare koi khoon-bahaa To dahan khazaane kaa khol do Vo jo sar-kashee kaa ho murtakib Use qamchiyon se zuboon karo Jahaan khalq-e-shahr ho mushta'il Use goliyon se nigoon karo Magar aise aise ghanee bhee the Isee qaht-zaar-e-damishq men Jinhen koo-e-yaar 'azeez tha Jo khaDe the maqtal-e-ishq men Koee baankpan men tha kohkan To junoon men qais saa tha koi Jo suraahiyaan liye jism kee Mai-e-naab Khoon se bharee huee The sadaa-ba-lab ki piyo piyo Ye sabeel ahl-e-safaa kee hai Ye nasheed nosh-e-badan karo Ye kasheed taak-e-wafa kee hai Koee tishna-lab hee na tha yahaan Jo pukaartaa ki idhar udhar Sabhee muft-bar the tamaash-been Koee bazm men koi baam par Sabhee be-hisee ke khumaar men Sabhee apne haal men mast the Sabhee rahravaan-e-rah-e-adam Magar apne zo'm men hast the So lahoo ke jaam unDel kar Mire jaan-farosh chale ga.e Vo sukoot tha sar-e-mai-kada Ki wo nam-badosh chale ga.e Koee mahbason men rasan-ba-paa Koee maqtalon men dareeda tan Na kisee ke haath men shaakh-e-nai Na kisee ke lab pe gul-e-sukhan Isee arsa-e-shab-e-taar men Yoonhee ek 'umr guzar ga.ee Kabhee roz-e-vasl bhee dekhte Ye jo aarzoo thee wo mar ga.ee Yahaan roz hashr bapaa hue Pe koi bhee roz-e-jazaa nahin Yahaan zindagee bhee 'azaab hai Yahaan maut men bhee shifaa nahin Wo 'ajib subh-e-bahaar thi Ki sahar se nauhagari rahi Meri bastiyan thin dhuan-dhuan Mere ghar mein aag bhari rahi Mere raste the lahu-lahu Mera qarya qarya figar tha Ye kaf-e-hawa pe zamin thi Wo falak ki musht-e-ghubar tha Kai aabshaar se jism the Ki jo qatra-qatra pighal gae Kai KHush-jamal tilism the Jinhen gard-baad nigal gae Koi KHwab nok-e-sinan pe tha Koi aarzu tah-e-sang thi Koi phul aabla aabla Koi shaKH marqad-e-rang thi Kai lapata meri lo'baten Jo kisi taraf ki na ho sakin Jo na aane walon ke sath thin Jo na jaane walon ko ro sakin Kai tar saz se kaT gae Kisi mutriba ki rag-e-gulu Mai-e-atishin mein wo zahr tha Ki taDaKH gae qadah-o-subu Koi nai-nawaz tha dam-ba-KHud Ki nafas se hiddat-e-jaan gai Koi sar-ba-zanu tha 'barbad' Ki sada-e-dost kahan gai Kahin naghmagi mein wo bain the Ki sama'aton ne sune nahin Kahin gunjte the wo marsiye Ki 'anis' ne bhi kahe nahin Ye jo sang-rezon ke Dher hain Yahan motiyon ki dukan thi Ye jo saeban dhuen ke hain Yahan baadalon ki uDan thi Jahan raushni hai khanDar khanDar Yahan qumqumon se jawan the Jahan chyunTiyan huin KHema-zan Yahan jugnuon ke makan the Kahin aabgina KHayal ka Ki jo karb-e-zabt se chur tha Kahin aaina kisi yaad ka Ki jo 'aks-e-yar se dur tha Mere bismilon ki qanaaten Jo baDhaen zulm ke hausle Mere aahuon ka chakida KHun Jo shikariyon ko suragh de Meri adl-gahon ki maslahat Mere qatilon ki wakil hai Mere KHanqahon ki manzilat Meri buzdili ki dalil hai Mere ahl-e-harf-o-suKHan-sara Jo gadagaron mein badal gae Mere ham-safir the hila-ju Kisi aur samt nikal gae Kai faKHtaon ki chaal mein Mujhe kargason ka chalan laga Kai chand bhi the siyah ru Kai surajon ko gahan laga Koi tajir-e-hasb-o-nasab Koi din-farosh qadim hai Yahan kafsh-bar bhi imam hain Yahan nat-KHwan bhi kalim hai Koi fikrmand kulah ka Koi dawe-dar qaba ka hai Wahi ahl-e-dil bhi hain zeb-tan Jo libas ahl-e-riya ka hai Mere pasban mere naqb-zan Mera mulk mulk-e-yatim hai Mera des mir-e-sipah ka Mera shahr mal-e-ghanim hai Jo rawish hai sahib-e-taKHt ki So musahibon ka tariq hai Yahan kotwal bhi duzd-e-shab Yahan shaiKH-e-din bhi fariq hai Yahan sab ke narKH juda juda Ise mol lo ise taul do Jo talab kare koi KHun-baha To dahan KHazane ka khol do Wo jo sar-kashi ka ho murtakib Use qamchiyon se zubun karo Jahan KHalq-e-shahr ho mushta'il Use goliyon se nigun karo Magar aise aise ghani bhi the Isi qaht-zar-e-damishq mein Jinhen ku-e-yar 'aziz tha Jo khaDe the maqtal-e-ishq mein Koi bankpan mein tha kohkan To junun mein qais sa tha koi Jo surahiyan liye jism ki Mai-e-nab KHun se bhari hui The sada-ba-lab ki piyo piyo Ye sabil ahl-e-safa ki hai Ye nashid nosh-e-badan karo Ye kashid tak-e-wafa ki hai Koi tishna-lab hi na tha yahan Jo pukarta ki idhar udhar Sabhi muft-bar the tamash-bin Koi bazm mein koi baam par Sabhi be-hisi ke KHumar mein Sabhi apne haal mein mast the Sabhi rahrawan-e-rah-e-adam Magar apne zo'm mein hast the So lahu ke jam unDel kar Mere jaan-farosh chale gae Wo sukut tha sar-e-mai-kada Ki wo nam-badosh chale gae Koi mahbason mein rasan-ba-pa Koi maqtalon mein darida tan Na kisi ke hath mein shaKH-e-nai Na kisi ke lab pe gul-e-suKHan Isi arsa-e-shab-e-tar mein Yunhi ek 'umr guzar gai Kabhi roz-e-wasl bhi dekhte Ye jo aarzu thi wo mar gai Yahan roz hashr bapa hue Pe koi bhi roz-e-jaza nahin Yahan zindagi bhi 'azab hai Yahan maut mein bhi shifa nahin