takhliiq

Dard kee aag bujhaa do ki abhee waqt nahin Zakhm-e-dil jaag sake nashtar-e-gham raqs kare Jo bhee saanson men ghulaa hai use uryaan na karo Chup bhee shola hai magar koi na ilzaam dhare Aise ilzaam ki khud apne taraashe hue but Jazba-e-kaavish-e-khaaliq ko nigoon-saar karen Moo-qalam halqa-e-abroo ko banaa de khanjar Lafz nauhon men raqam mad.h-e-rukh-e-yaar karen Raqs-e-meenaa se uThe naghma-e-raqs-e-bismil Saaz khud apne mughannee ko gunahgaar karen Marham-e-ashk nahin zakhm-e-talab kaa chaara Khuun bhee ro.o.ge to kis khaak kee saj-dhaj hogee Kaanpte haathon se TuuTee huee buniyaadon par Jo bhee deevaar uThaaoge vahee kaj hogee Koee patthar ho ki naghma koi paikar ho ki rang Jo bhee tasveer banaaoge apaahaj hogee Dard ki aag bujha do ki abhi waqt nahin ZaKHm-e-dil jag sake nashtar-e-gham raqs kare Jo bhi sanson mein ghula hai use uryan na karo Chup bhi shola hai magar koi na ilzam dhare Aise ilzam ki KHud apne tarashe hue but Jazba-e-kawish-e-KHaliq ko nigun-sar karen Mu-qalam halqa-e-abru ko bana de KHanjar Lafz nauhon mein raqam madh-e-ruKH-e-yar karen Raqs-e-mina se uThe naghma-e-raqs-e-bismil Saz KHud apne mughanni ko gunahgar karen Marham-e-ashk nahin zaKHm-e-talab ka chaara KHun bhi rooge to kis KHak ki saj-dhaj hogi Kanpte hathon se TuTi hui buniyaadon par Jo bhi diwar uThaoge wahi kaj hogi Koi patthar ho ki naghma koi paikar ho ki rang Jo bhi taswir banaoge apahaj hogi