tasalsul

Kab se sunsaan kharaabon men paDaa tha ye jahaan Kab se khvaabeeda the is vaadee-e-khaaraa ke sanam Kis ko ma.aloom ye sadiyon ke pur-asraar bharam Kaun jaane ki ye patthar bhee kabhi the insaan Sirf lab-dokht parbat hain jahaan nauha-kunaan Na dar-o-baam na deevaar o dareecha koi Koee dahleez-e-shikasta na hareem-e-veeraan Shahr ke shahr hain paataal ke daaman men nihaan Kaun pahchaantaa zulmat hain siyaahi ke nishaan Jo nazar DhoonDne uTThee wo nazar bhee khoee Chashm-e-mahtaab bhee shabnam kee jagah khuun roee Ilm ne aaj kurede hain wo zulmaat ke Dher Vaqt ne jis pe biThaa.e the fanaa ke pahre Jaag uThe soor-e-saraafeel se goonge bahre Taa-abad jin ke muqaddar men thee dunya andher Ye magar azmat-e-insaan hai ki taqdeer ke pher? Ye imaaraat, ye meenaar, ye gulzaar, ye khet Toda-e-khaak se hastee ne liyaa taaza janm Jee uThe vaadee-e-khaamosh ke be-jaan sanam Phir koi cheeregaa zarre kaa jigar qatra-e-yam Dafn kar degaa jo khaaliq ko bhee makhlooq samet Aur ye aabaadiyaan ban jaa.engee phir ret hee ret Kab se sunsan KHarabon mein paDa tha ye jahan Kab se KHwabida the is wadi-e-KHara ke sanam Kis ko malum ye sadiyon ke pur-asrar bharam Kaun jaane ki ye patthar bhi kabhi the insan Sirf lab-doKHt parbat hain jahan nauha-kunan Na dar-o-baam na diwar o daricha koi Koi dahliz-e-shikasta na harim-e-viran Shahr ke shahr hain patal ke daman mein nihan Kaun pahchanta zulmat hain siyahi ke nishan Jo nazar DhunDne uTThi wo nazar bhi khoi Chashm-e-mahtab bhi shabnam ki jagah KHun roi Ilm ne aaj kurede hain wo zulmat ke Dher Waqt ne jis pe biThae the fana ke pahre Jag uThe sur-e-sarafil se gunge bahre Ta-abad jin ke muqaddar mein thi duniya andher Ye magar azmat-e-insan hai ki taqdir ke pher? Ye imaraat, ye minar, ye gulzar, ye khet Toda-e-KHak se hasti ne liya taza janm Ji uThe wadi-e-KHamosh ke be-jaan sanam Phir koi chirega zarre ka jigar qatra-e-yam Dafn kar dega jo KHaliq ko bhi maKHluq samet Aur ye aabaadiyan ban jaengi phir ret hi ret