to behtar hai yahii

Ye tiree aankhon kee be-zaaree ye lahje kee thakan Kitne andeshon kee haamil hain ye dil kee dhaDkanen Pesh-tar is ke ki ham phir se mukhaalif samt ko Be-khuda-haafiz kahe chal den jhukaa kar gardanen Aao us dukh ko pukaaren jis kee shiddat ne hamen Is qadar ik doosre ke gham se vaabasta kiyaa Vo jo tanhaa.ee kaa dukh tha talkh mahroomee kaa dukh Jis ne ham ko dard ke rishte men paivasta kiyaa Vo jo is gham se ziyaada jaan-gusil qaatil raha Vo jo ik sail-e-balaa-angez tha apne liye Jis ke pal pal men the sadiyon ke samundar maujzan Cheekhtee yaaden liye ujDe hue sapne liye Main bhee naakaam-e-wafa tha to bhee mahroom-e-muraad Ham ye samjhe the ki dard-e-mushtarak raas aa gaya Teree khoee muskuraahaT qahqahon men Dhal ga.ee Meraa gum-gashta sukoon phir se mire paas aa gaya Taptee do-pahron men aasooda hue baazoo mire Teree zulfen is tarah bikhreen ghaTaa.en ho ga.iin Teraa barfeelaa badan be-saakhta lau de uThaa Meree saansen shaam kee bheegee havaa.en ho ga.iin Zindagee kee saa.aten raushan thiin sham.on kee tarah Jis tarah se shaam guzre jugnuon ke shahr men Jis tarah mahtaab kee vaadee men do saa.e ravaan Jis tarah ghunghroo chhanak uTThen nashe kee lahr men Aao ye sochen bhee qaatil hain to behtar hai yahee Phir se ham apne puraane zahr ko amrit kahen Too agar chaahe to ham ik doosre ko chhoD kar Apne apne be-vafaaon ke liye rote rahen Ye teri aankhon ki be-zari ye lahje ki thakan Kitne andeshon ki hamil hain ye dil ki dhaDkanen Pesh-tar is ke ki hum phir se muKHalif samt ko Be-KHuda-hafiz kahe chal den jhuka kar gardanen Aao us dukh ko pukaren jis ki shiddat ne hamein Is qadar ek dusre ke gham se wabasta kiya Wo jo tanhai ka dukh tha talKH mahrumi ka dukh Jis ne hum ko dard ke rishte mein paiwasta kiya Wo jo is gham se ziyaada jaan-gusil qatil raha Wo jo ek sail-e-bala-angez tha apne liye Jis ke pal pal mein the sadiyon ke samundar maujzan ChiKHti yaaden liye ujDe hue sapne liye Main bhi nakaam-e-wafa tha to bhi mahrum-e-murad Hum ye samjhe the ki dard-e-mushtarak ras aa gaya Teri khoi muskurahaT qahqahon mein Dhal gai Mera gum-gashta sukun phir se mere pas aa gaya Tapti do-pahron mein aasuda hue bazu mere Teri zulfen is tarah bikhrin ghaTaen ho gain Tera barfila badan be-saKHta lau de uTha Meri sansen sham ki bhigi hawaen ho gain Zindagi ki saaten raushan thin shamon ki tarah Jis tarah se sham guzre jugnuon ke shahr mein Jis tarah mahtab ki wadi mein do sae rawan Jis tarah ghunghru chhanak uTThen nashe ki lahr mein Aao ye sochen bhi qatil hain to behtar hai yahi Phir se hum apne purane zahr ko amrit kahen Tu agar chahe to hum ek dusre ko chhoD kar Apne apne be-wafaon ke liye rote rahen