ye meri gazlen ye meri nazmen ye meri gazlen ye meri nazmen

Ye meree ghazlen ye meree nazmen Tamaam teree hikaayaten hain Ye tazkire tere lutf ke hain Ye sher teree shikaayaten hain Main sab tiree nazr kar raha hoon Ye un zamaanon kee saa.aten hain Jo zindagee ke na.e safar men Tujhe kisee waqt yaad aa.en To ek ik harf jee uThegaa Pahan ke anfaas kee qabaa.en Udaas tanhaa.iyon ke lamhon Men naach uTThengee ye apsaraa.en Mujhe tire dard ke alaava bhee Aur dukh the ye maantaa hoon Hazaar gham the jo zindagee kee Talaash men the ye jaantaa hoon Mujhe khabar thee ki tere aanchal men Dard kee ret chhaantaa hoon Magar har ik baar tujh ko chhoo kar Ye ret rang-e-hinaa banee hai Ye zakhm gulzaar ban ga.e hain Ye aah-e-sozaan ghaTaa banee hai Ye dard mauj-e-sabaa huaa hai Ye aag dil kee sadaa banee hai Aur ab ye saaree mataa-e-hastee Ye phuul ye zakhm sab tire hain Ye dukh ke nauhe ye sukh ke naghme Jo kal mire the wo ab tire hain Jo teree qurbat tiree judaa.ee Men kaT ga.e roz-o-shab tire hain Vo teraa shaa.ir tiraa mughannee Vo jis kee baaten ajiib see thiin Vo jis ke andaaz khusravaana the Aur adaa.en ghareeb see thiin Vo jis ke jiine kee khvaahishen bhee Khud us ke apne naseeb see thiin Na poochh is kaa ki wo divaana Bahut dinon kaa ujaD chukaa hai Vo kohkan to nahin tha lekin KaDee chaTaanon se laD chukaa hai Vo thak chukaa tha aur us kaa tesha Usee ke siine men gaD chukaa hai Ye meri ghazlen ye meri nazmen Tamam teri hikayaten hain Ye tazkire tere lutf ke hain Ye sher teri shikayaten hain Main sab teri nazr kar raha hun Ye un zamanon ki saaten hain Jo zindagi ke nae safar mein Tujhe kisi waqt yaad aaen To ek ek harf ji uThega Pahan ke anfas ki qabaen Udas tanhaiyon ke lamhon Mein nach uTThengi ye apsaraen Mujhe tere dard ke alawa bhi Aur dukh the ye manta hun Hazar gham the jo zindagi ki Talash mein the ye jaanta hun Mujhe KHabar thi ki tere aanchal mein Dard ki ret chhanta hun Magar har ek bar tujh ko chhu kar Ye ret rang-e-hina bani hai Ye zaKHm gulzar ban gae hain Ye aah-e-sozan ghaTa bani hai Ye dard mauj-e-saba hua hai Ye aag dil ki sada bani hai Aur ab ye sari mata-e-hasti Ye phul ye zaKHm sab tere hain Ye dukh ke nauhe ye sukh ke naghme Jo kal mere the wo ab tere hain Jo teri qurbat teri judai Mein kaT gae roz-o-shab tere hain Wo tera shair tera mughanni Wo jis ki baaten ajib si thin Wo jis ke andaz KHusrawana the Aur adaen gharib si thin Wo jis ke jine ki KHwahishen bhi KHud us ke apne nasib si thin Na puchh is ka ki wo diwana Bahut dinon ka ujaD chuka hai Wo kohkan to nahin tha lekin KaDi chaTanon se laD chuka hai Wo thak chuka tha aur us ka tesha Usi ke sine mein gaD chuka hai