ye shahr sehr zada hai sadaa kisi ki nahin
— Ahmad Faraz
Ye shahr sehr-zada hai sadaa kisee kee nahin
Yahaan khud apne liye bhee duaa kisee kee nahin
Khizaan men chaak-garebaan thaa main bahaar men too
Magar ye fasl-e-sitam-aashnaa kisee kee nahin
Sab apne apne fasaane sunaate jaate hain
Nigaah-e-yaar magar ham-navaa kisee kee nahin
Main aaj zad pe agar hoon to khush-gumaan na ho
Charaagh sab ke bujhenge havaa kisee kee nahin
'faraaz' apnee jigar-kaaviyon pe naaz na kar
Ki ye mata-e-hunar bhee sadaa kisee kee nahin