aaj ro kar to dikhaae koi aisa ronaa
— Ahmad Mushtaq
Aaj ro kar to dikhaa.e koee aisa ronaa
Yaad kar ai dil-e-khaamosh wo apna ronaa
Raqs karnaa kabhee khawabon ke shabistaanon men
Kabhee yaadon ke sutoonon se lipaTnaa ronaa
Tujh se seekhe koee rone kaa saleeqa ai abr
Kaheen qatra na giraanaa kaheen Dariya ronaa
Rasm-e-Dunya bhee vahee raah-e-tamannaa bhee vahee
Vahee mil baith ke hansnaa vahee tanhaa ronaa
Ye tiraa taur samajh men naheen aayaa 'mushtaaq'
Kabhee hanste chale jaanaa kabhee itnaa ronaa