ab wo galiyaan wo makaan yaad nahin
— Ahmad Mushtaq
Ab wo galiyaan wo makaan yaad nahin
Kaun rahtaa tha kahaan yaad nahin
Jalva-e-husn-e-azal the wo dayaar
Jin ke ab naam-o-nishaan yaad nahin
Koi ujlaa saa bhalaa saa ghar tha
Kis ko dekhaa tha vahaan yaad nahin
Yaad hai zeena-e-pechaan us kaa
Dar-o-deevaar-e-makaan yaad nahin
Yaad hai zamzama-e-saaz-e-bahaar
Shor-e-awaaz-e-khizaan yaad nahin