chaand bhi niklaa sitaare bhi baraabar nikle
— Ahmad Mushtaq
Chaand bhee niklaa sitaare bhee baraabar nikle
Mujh se achchhe to shab-e-gham ke muqaddar nikle
Shaam hote hee barasne lage kaale baadal
Sub.h-dam log dareechon men khule sar nikle
Kal hee jin ko tiree palkon pe kaheen dekhaa thaa
Raat usee tarah ke taare miree chhat par nikle
Dhoop saavan kee bahut tez hai dil Doobtaa hai
Us se kah do ki abhee ghar se na baahar nikle
Pyaar kee shaakh to jaldee hee samar le aa.ee
Dard ke phuul baDee der men jaa kar nikle
Dil-e-hangaama-talab ye bhee khabar hai tujh ko
Muddaten ho ga.iin ik shakhs ko baahar nikle