Dunya men suraag e rah e Dunya nahin miltaa

Dunya men suraagh-e-rah-e-Dunya naheen miltaa Dariya men utar jaa.en to Dariya naheen miltaa Baaqee to mukammal hai tamannaa kee imaarat Ik guzre hue vaqt kaa sheesha naheen miltaa Jaate hue har chiiz yaheen chhoD gaya thaa LauTaa hoon to ik dhoop kaa TukDaa naheen miltaa Jo dil men samaa.e the wo ab shaamil-e-dil hain Is aa.ine men aks kisee kaa naheen miltaa Too ne hee to chaahaa thaa ki miltaa rahoon tujh se Teree yahee marzee hai to achchhaa naheen miltaa Dil men to dhaDakne kee sadaa bhee naheen 'mushtaaq' Raste men hai wo bhiiD ki rasta naheen miltaa