haath se naaptaa hoon dard ki gahraaii ko

Haath se naaptaa hoon dard kee gahraa.ee ko Ye nayaa khel milaa hai miree tanhaa.ee ko Thaa jo siine men charaagh-e-dil-e-pur-khoon na raha ChaaTiye baith ke ab sabr-o-shakebaa.ee ko Dil-e-afsurda kisee tarah bahaltaa hee nahin Kya karen aap kee is hausla-afzaa.ee ko Khair badnaam to pahle bhee bahut the lekin Tujh se milnaa thaa ki par lag ga.e rusvaa.ee ko Nigah-e-naaz na milte hue ghabraa ham se Ham mohabbat nahin kahne ke shanaasaa.ee ko Dil hai nairangee-e-ayyaam pe hairaan ab tak Itnee see baat bhee maa'loom nahin bhaa.ee ko