kahaan ki guunj dil e naa tavaan men rahtii hai

Kahaan kee guunj dil-e-naa-tavaan men rahtee hai Ki thartharee see ajab jism-o-jaan men rahtee hai Qadam qadam pe vahee chashm o lab vahee gesoo Tamaam umr nazar imtihaan men rahtee hai Maza to ye hai ki wo khud to hai na.e ghar men Aur us kee yaad puraane makaan men rahtee hai Pata to fasl-e-gul-o-laala kaa naheen maaloom Sunaa hai qurb-o-javaar-e-khizaan men rahtee hai Main kitnaa vahm karoon lekin ik shuaa-e-yaqeen Kaheen navaah-e-dil-e-bad-gumaan men rahtee hai Hazaar jaan khapaataa rahoon magar phir bhee Kamee see Kuch mire tarz-e-bayaan men rahtee hai