lubhaataa hai agarche husn e Dariya dar raha hoon main
— Ahmad Mushtaq
Lubhaataa hai agarche husn-e-Dariya Dar raha hoon main
Sabab ye hai ki ik muddat kinaare par raha hoon main
Ye jhonke jin se dil men taazgee aankhon men ThanDak hai
Inhee jhonkon se murjhaayaa huaa shab bhar raha hoon main
Tire aane kaa din hai tere raste men bichhaane ko
Chamaktee dhoop men saa.e ikaTThe kar raha hoon main
Koee kamra hai jis ke taaq men ik sham.a jaltee hai
Andheree raat hai aur saans lete Dar raha hoon main
Mujhe ma.aloom hai ahl-e-wafa par kya guzartee hai
Samajh kar soch kar tujh se mohabbat kar raha hoon main