manzar e subh dikhaane use laayaa na gaya

Manzar-e-sub.h dikhaane use laayaa na gaya Aatee jaatee raheen shaamen koi aayaa na gaya Raat bistar pe khule chaand men sotaa thaa koi Main ne chaahaa ki jagaa.oon to jagaayaa na gaya Ek muddat use dekhaa use chaahaa lekin Wo kabhi paas se guzraa to bulaayaa na gaya Ghere rahtee thee use ek jahaan kee nazren Phir jo dekhaa to wo us aan men paayaa na gaya Sar uThaate hee kaDee dhoop kee yalghaar huee Do qadam bhee kisee deevaar kaa saayaa na gaya Thaa muqarrar ki mulaaqaat rahegee us se Wo to pahunchaa thaa magar mujh se hee aayaa na gaya