paanii men aks aur kisi aasmaan kaa hai
— Ahmad Mushtaq
Paanee men aks aur kisee aasmaan kaa hai
Ye naav kaun see hai ye Dariya kahaan kaa hai
Deevaar par khile hain na.e mausamon ke phuul
Saaya zameen par kisee pichhle makaan kaa hai
Chaaron taraf hain sabz salaakhen bahaar kee
Jin men ghiraa huaa koi mausam khizaan kaa hai
Sab Kuch badal gaya hai tah-e-aasmaan magar
Baadal vahee hain rang vahee aasmaan kaa hai
Dil men khayaal-e-shahr-e-tamannaa thaa jis jagah
Vaan ab malaal ik safar-e-raa.egaan kaa hai