raat phir rang pe thii us ke badan ki khushbuu
— Ahmad Mushtaq
Raat phir rang pe thee us ke badan kee khushboo
Dil kee dhaDkan thee ki Udhte the lahoo men jugnoo
Jaise har shai ho kisee khvaab-e-faraamosh men gum
Chaand chamkaa na kisee yaad ne badlaa pahloo
Sub.h ke zeena-e-khaamosh pe qadmon ke gulaab
Shaam kee band havelee men hansee kaa jaadoo
Sehn ke sabz andhere men damakte rukhsaar
Saaf bistar ke ujaale men chamakte gesoo
Jhilmilaate rahe wo khvaab jo puure na hue
Dard bedaar Tapaktaa raha aansoo aansoo