shaam e gam yaad hai kab shama jalii yaad nahin
— Ahmad Mushtaq
Shaam-e-gham yaad hai kab sham.a jalee yaad nahin
Kab wo rukhsat hue kab raat Dhalee yaad nahin
Dil se bahte hue paanee kee sadaa guzree thee
Kab dhundlakaa huaa kab naav chalee yaad nahin
ThanDe mausam men pukaaraa koi ham aate hain
Jis men ham khel rahe the wo galee yaad nahin
In mazaafaat men chhup chhup ke havaa chaltee thee
Kaise khiltee thee mohabbat kee kalee yaad nahin
Jism-o-jaan Doob ga.e khvaab-e-faraamoshee men
Ab koi baat buree ho ki bhalee yaad nahin