tham gaya dard ujaalaa huaa tanhaaii men

Tham gaya dard ujaalaa huaa tanhaa.ee men Barq chamkee hai kaheen raat kee gahraa.ee men Baagh kaa baagh lahoo rang huaa jaataa hai Vaqt masroof hai kaisee chaman-aaraa.ee men Shahr veeraan hue bahr bayaabaan hue Khaak uDtee hai dar o dasht kee pahnaa.ee men Ek lamhe men bikhar jaataa hai taanaa-baanaa Aur phir umr guzar jaatee hai yakjaa.ee men Us tamaashe men nahin dekhne vaalaa koi Is tamaashe ko jo barpaa hai tamaashaa.ee men