zindagii se ek din mausam khafaa ho jaaenge
— Ahmad Mushtaq
Zindagee se ek din mausam khafaa ho jaa.enge
Rang-e-gul aur boo-e-gul donon havaa ho jaa.enge
Aankh se aansoo nikal jaa.enge aur Tahnee se phuul
Vaqt badlegaa to sab qaidee rihaa ho jaa.enge
Phuul se khushboo bichhaD jaa.egee sooraj se kiran
Saal se din vaqt se lamhe judaa ho jaa.enge
Kitne pur-ummeed kitne khoob-soorat hain ye log
Kya ye sab baazoo ye sab chehre fanaa ho jaa.enge