ajab suruur milaa hai mujhe duaa kar ke

Ajab suroor milaa hai mujhe duaa kar ke Ki muskuraayaa khuda bhee sitaara vaa kar ke Gadaa-gadee bhee ik usloob-e-fan hai jab main ne Usee ko maang liyaa us se iltijaa kar ke Shab-e-firaaq ke har jabr ko shikast huee Ki main ne sub.h to kar lee khuda khuda kar ke Ye soch kar ki kabhee to javaab aa.egaa Main us ke dar pe khaDaa rah gaya sadaa kar ke Ye chaara-gar hain ki ik ijtimaa-e-bad-zauqaan Wo mujh ko dekhen tiree zaat se judaa kar ke Khuda bhee un ko na bakhshe to lutf aa jaa.e Jo apne-aap se sharminda hoon khataa kar ke Khud apnee zaat pe to e'timaad pukhta huaa 'nadeem' yuun to mujhe kya milaa wafa kar ke