baarish ki rut thii raat thii pahluu e yaar tha
— Ahmad Nadeem Qasmi
Baarish kee rut thee raat thee pahloo-e-yaar tha
Ye bhee tilism-e-gardish-e-lail-o-nahaar tha
Kahte hain log auj pe tha mausam-e-bahaar
Dil kah raha hai arbada-e-zulf-e-yaar tha
Ab to visaal-e-yaar se behtar hai yaad-e-yaar
Main bhee kabhi fareb-e-nazar kaa shikaar tha
Too meree zindagee se bhee katraa ke chal diyaa
Tujh ko to meree maut pe bhee ikhtiyaar tha
O gaane vaale TooTte taaron ke saaz par
Main bhee shaheed-e-tool-e-shab-e-intizaar tha
Palken uTheen jhapak ke gireen phir na uTh sakeen
Ye aitbaar hai to kahaan aitbaar tha
Yazdaan se bhee ulajh hee paDaa tha tiraa 'nadeem'
Ya.anee azal se dil men yahee khalfashaar tha