biisviin sadii kaa insaan

Mujhe sameTo Main reza reza bikhar raha hoon Na jaane main baDh raha hoon Yaa apne hee ghubaar-e-safar men har pal utar raha hoon Na jaane main jee raha hoon Yaa apne hee taraashe hue na.e raaston kee tanhaa.iyon men har lahza mar raha hoon Main ek patthar sahee magar har savaal kaa baaz-gasht ban kar javaab doongaa Mujhe pukaaro mujhe sadaa do Main ek sahraa sahee magar mujh pe ghir ke barso Mujhe mahakne kaa valvala do Main ik samundar sahee magar aaftaab kee tarah mujh pe chamko Mujhe bulandee kee samt uDne kaa hausla do Mujhe na toDo ki main gul-e-tar sahee Magar os ke bajaa.e lahoo men tar hoon Mujhe na maaro Main zindagee ke jamaal aur gahmaa-gahmiyon kaa payaambar hoon Mujhe bachaao ki main zameen hoon KaroDon karoDon kee kaa.enaat-e-baseet men sirf main hee hoon Jo khuda kaa ghar hoon Mujhe sameTo Main reza reza bikhar raha hun Na jaane main baDh raha hun Ya apne hi ghubar-e-safar mein har pal utar raha hun Na jaane main ji raha hun Ya apne hi tarashe hue nae raston ki tanhaiyon mein har lahza mar raha hun Main ek patthar sahi magar har sawal ka baz-gasht ban kar jawab dunga Mujhe pukaro mujhe sada do Main ek sahra sahi magar mujh pe ghir ke barso Mujhe mahakne ka walwala do Main ek samundar sahi magar aaftab ki tarah mujh pe chamko Mujhe bulandi ki samt uDne ka hausla do Mujhe na toDo ki main gul-e-tar sahi Magar os ke bajae lahu mein tar hun Mujhe na maro Main zindagi ke jamal aur gahma-gahmiyon ka payambar hun Mujhe bachao ki main zamin hun KaroDon karoDon ki kaenat-e-basit mein sirf main hi hun Jo KHuda ka ghar hun