dasht e wafa

Dost kahte hain tire dasht-e-wafa men kaise Itnee khushboo hai mahaktaa ho gulistaan jaise Go baDee chiiz hai ghamkhavaari-e-arbaab-e-wafa Kitne be-gaana-e-aa.een-e-wafa hain ye log Zakhm-dar-zakhm mohabbat ke chaman-zaar men bhee Faqat ik ghuncha-e-mantiq ke gadaa hain ye log Main unhen gulshan-e-ehsaas dikhaa.oon kaise Jin kee parvaaz-e-baseerat par-e-bulbul tak hai Vo na dekhenge kabhi had-e-nazar se aage Aur miree hadd-e-nazar hadd-e-takhayyul tak hai Dil ke bhedon ko bhee mantiq men jo uljhaate hain Yuun samajh len ki baboolon men bhee phuul aate hain Dost kahte hain tere dasht-e-wafa mein kaise Itni KHushbu hai mahakta ho gulistan jaise Go baDi chiz hai ghamKHawari-e-arbab-e-wafa Kitne be-gana-e-ain-e-wafa hain ye log ZaKHm-dar-zaKHm mohabbat ke chaman-zar mein bhi Faqat ek ghuncha-e-mantiq ke gada hain ye log Main unhen gulshan-e-ehsas dikhaun kaise Jin ki parwaz-e-basirat par-e-bulbul tak hai Wo na dekhenge kabhi had-e-nazar se aage Aur meri hadd-e-nazar hadd-e-taKHayyul tak hai Dil ke bhedon ko bhi mantiq mein jo uljhate hain Yun samajh len ki babulon mein bhi phul aate hain