dhalaan
— Ahmad Nadeem Qasmi
Ret par sabt hain ye kis ke qadam
Husn ko narm-khiraamee kee qasam
Sar-e-saahil miree takh.eel-e-javaan guzree hai
Yaa koi anjuman-e-gul-badanaan guzree hai
Mauj ne naqsh-e-qadam chaaT liye
Meree takh.eel ke par kaaT liye
Log dariyaaon ke anjaam se Dar jaate hain
Ab to raste bhee samundar men utar jaate hain
Ret par sabt hain ye kis ke qadam
Husn ko narm-KHirami ki qasam
Sar-e-sahil meri taKHil-e-jawan guzri hai
Ya koi anjuman-e-gul-badanan guzri hai
Mauj ne naqsh-e-qadam chaT liye
Meri taKHil ke par kaT liye
Log dariyaon ke anjam se Dar jate hain
Ab to raste bhi samundar mein utar jate hain