ek nazm

ChhuTpuTe ke ghurfe men Lamhe ab bhee milte hain Sub.h ke dhundalke men Phuul ab bhee khilte hain Ab bhee kohsaaron par Sar-kasheeda hariyaalee Pattharon kee deevaaren ToD kar nikaltee hai Ab bhee aab-zaaron par Kashtiyon kee soorat men Ziist kee tavaanaa.ee Zaaviye badaltee hai Ab bhee ghaas ke maidaan Shabnamee sitaaron se Mere khaak-daan par bhee Aasmaan sajaate hain Ab bhee khet gandum ke Tez dhoop men tap kar Is ghareeb dhartee ko Zar-fishaan banaate hain Saaye ab bhee chalte hain Sooraj ab bhee Dhaltaa hai Sub.hen ab bhee raushan hain Raaten ab bhee kaalee hain Zehn ab bhee chaTyal hain Roohen ab bhee banjar hain Jism ab bhee nange hain Haath ab bhee khaalee hain Ab bhee sabz faslon men Zindagee ke rakhvaale Zard zard chehron par Khaak oDhe rahte hain Ab bhee un kee taqdeeren Munqalib nahin hoteen Munqalib nahin hongee Kahne vaale kahte hain Gardishon kee raanaa.ee Aam hee nahin hotee Apne roz-e-avval kee Shaam hee nahin hotee ChhuTpuTe ke ghurfe mein Lamhe ab bhi milte hain Subh ke dhundalke mein Phul ab bhi khilte hain Ab bhi kohsaron par Sar-kashida hariyali Pattharon ki diwaren ToD kar nikalti hai Ab bhi aab-zaron par Kashtiyon ki surat mein Zist ki tawanai Zawiye badalti hai Ab bhi ghas ke maidan Shabnami sitaron se Mere KHak-dan par bhi Aasman sajate hain Ab bhi khet gandum ke Tez dhup mein tap kar Is gharib dharti ko Zar-fishan banate hain Saye ab bhi chalte hain Suraj ab bhi Dhalta hai Subhen ab bhi raushan hain Raaten ab bhi kali hain Zehn ab bhi chaTyal hain Ruhen ab bhi banjar hain Jism ab bhi nange hain Hath ab bhi KHali hain Ab bhi sabz faslon mein Zindagi ke rakhwale Zard zard chehron par KHak oDhe rahte hain Ab bhi un ki taqdiren Munqalib nahin hotin Munqalib nahin hongi Kahne wale kahte hain Gardishon ki ranai Aam hi nahin hoti Apne roz-e-awwal ki Sham hi nahin hoti