ek yaad kaa rauzan meri yaadon men se ek yaad mujhe

Meree yaadon men se ek yaad mujhe Taa-dam-e-marg nahin bhoolegee Meree is yaad kaa rauzan dareecha hai jis men se mujhe Kitne guzre hue pal saaf nazar aate hain Kachchee miTTee ko jo takhtee pe chalaa.oon to ye dhartee jaise Apnee khushboo men mujhe nahlaa.e Raushnaa.ee men qalam ko jo Duubo duun To mujhe roz-e-azal yaad aa.e Lafz likhoon sar-e-qirtaas To phoolon kee qataaren lag jaa.en Harf ke daa.ere sayyaare se bante jaa.en Aur nuqte wo chamakte hue taare Jo kabhi taire hain aur kabhi Doobte hain Mere maazee kaa ye rauzan mujhe dikhlaataa hai har soo ghunche Vo jo takhleeq ke mausam men chaTakhte hain To har rang ke dildaar mafaaheem ke ambaar se lag jaate hain Mere maazee kaa ye wo rauzan hai Jis men jhaankoon to vahaan JhuTpuTe aur shafaq aur tilismee see uloohee see khamoshee kee fazaa taaree hai Aur ik samt andhere men damakte hue chehron kee nadee jaaree hai Ye wo manzar hai ki jo Ilm-o-mantiq ke saheefon se ka.ee laakh gunaa bhaaree hai Meri yaadon mein se ek yaad mujhe Ta-dam-e-marg nahin bhulegi Meri is yaad ka rauzan daricha hai jis mein se mujhe Kitne guzre hue pal saf nazar aate hain Kachchi miTTi ko jo taKHti pe chalaun to ye dharti jaise Apni KHushbu mein mujhe nahlae Raushnai mein qalam ko jo Dubo dun To mujhe roz-e-azal yaad aae Lafz likhun sar-e-qirtas To phulon ki qataren lag jaen Harf ke daere sayyare se bante jaen Aur nuqte wo chamakte hue tare Jo kabhi taire hain aur kabhi Dubte hain Mere mazi ka ye rauzan mujhe dikhlata hai har su ghunche Wo jo taKHliq ke mausam mein chaTaKHte hain To har rang ke dildar mafahim ke ambar se lag jate hain Mere mazi ka ye wo rauzan hai Jis mein jhankun to wahan JhuTpuTe aur shafaq aur tilismi si uluhi si KHamoshi ki faza tari hai Aur ek samt andhere mein damakte hue chehron ki nadi jari hai Ye wo manzar hai ki jo Ilm-o-mantiq ke sahifon se kai lakh guna bhaari hai