go mire dil ke zakhm zaatii hain
— Ahmad Nadeem Qasmi
Go mire dil ke zakhm zaatee hain
In kee Teesen to kaa.enaatee hain
Aadmee shash-jahaat kaa doolhaa
Vaqt kee gardishen baraatee hain
Faisle kar rahe hain arsh-nasheen
Aafaten aadmee pe aatee hain
Kaliyaan kis daur ke tasavvur men
Khoon hote hee muskuraatee hain
Tere vaade hon jin ke shaamil-e-haal
Wo umangen kahaan samaatee hain