ham kabhi ishq ko vahshat nahin banne dete

Ham kabhee ishq ko vahshat naheen banne dete Dil kee tahzeeb ko tohmat naheen banne dete Lab hee lab hai to kabhee aur kabhee chashm hee chashm Naqsh tere tiree soorat naheen banne dete Ye sitaare jo chamakte hain pas-e-abr-e-siyaah Tere gham ko miree aadat naheen banne dete Un kee jannat bhee koee dasht-e-balaa hee hogee Zinda rehne ko jo lazzat naheen banne dete Dost jo dard baTaate hain wo naadaanee men Dar-haqeeqat miree seerat naheen banne dete Fikr fan ke liye laazim magar achchhe shaa.er Apne fan ko kabhee hikmat naheen banne dete Wo mohabbat kaa ta.alluq ho ki nafrat kaa 'nadeem' Raabte ziist ko khalvat naheen banne dete