hamesha zulm ke manzar hamen dikhaae gae

Hamesha zulm ke manzar hamen dikhaa.e ga.e PahaaD toDe ga.e aur mahal banaa.e ga.e Tuloo-e-sub.h kee afvaah itnee aam huee Ki nisf shab ko gharon ke diye bujhaa.e ga.e Ab ek baar to qudrat javaab-dah Thahre Hazaar baar ham insaan aazmaa.e ga.e Falak kaa tantana bhee Toot kar zameen pe giraa Sutoon ek gharaunde ke jab giraa.e ga.e Tiree khuda.ee men shaamil agar nasheb bhee hain To phir kaleem sar-e-toor kyuun bulaa.e ga.e Ye aasmaan the ki aa.eene the khalaaon men Mah-o-nujoom men jhaankaa to ham hee paa.e ga.e Daraaz-e-shab men koee apna ham-safar hee na thaa Magar 'nadeem' sadaa.en to ham lagaa.e ga.e