ik mohabbat ke evaz arz o samaa de duungaa

Ik mohabbat ke evaz arz-o-samaa de doongaa Tujh se kaafir ko to main apna khuda de doongaa Justujoo bhee miraa fan hai mire bichhDe hue dost Jo bhee dar band milaa us pe sadaa de doongaa Ek pal bhee tire pahloo men jo mil jaa.e to main Apne ashkon se use aab-e-baqaa de doongaa Rukh badal doongaa sabaa kaa tire kooche kee taraf Aur toofaan ko apna hee pataa de doongaa Jab bhee aa.en mire haathon men ruton kee baagen Barf ko dhoop to sahraa ko ghaTaa de doongaa Too karam kar naheen saktaa to sitam toD ke dekh Main tire zulm ko bhee husn-e-adaa de doongaa Khatm gar ho na sakee uzr-taraashee teree Ik sadee tak tujhe jiine kee duaa de doongaa