jadiid tar tujh se ik umr kaa paimaan tha magar meraa nasiib

Tujh se ik umr kaa paimaan tha magar meraa naseeb Inqilaabaat kaa mahkoom huaa jaataa hai Vo tasavvur jo ka.ee baar nikhaaraa main ne Itnaa mauhoom hai ma.adoom huaa jaataa hai Teree aankhon men jagaa.e the sitaare main ne Aur chhalkaa.e the gaalon men hayaaon ke ayaagh Koee ehsaas na tha waqt kee gardish kaa mujhe Varna kya raat se miltaa nahin suraj kaa suraagh Is chakaa-chaund men ab tujh ko pukaaroon kaise Sail-e-anvaar men taaron kaa guzar kya hogaa Tah-e-daaman jo charaaghon ko chhupaa.e rakhoon Sochtaa hoon ki phir anjaam-e-safar kya hogaa Mujh ko awaaz na de waqt ke sahraaon men Main bahut duur bahut duur nikal aayaa hoon Main ufuq par bhee nahin hoon main falak par bhee nahin Main tire maazee-e-marhoom kaa ik saaya hoon Tujh se ek umr ka paiman tha magar mera nasib Inqilabaat ka mahkum hua jata hai Wo tasawwur jo kai bar nikhaara main ne Itna mauhum hai madum hua jata hai Teri aankhon mein jagae the sitare main ne Aur chhalkae the galon mein hayaon ke ayagh Koi ehsas na tha waqt ki gardish ka mujhe Warna kya raat se milta nahin suraj ka suragh Is chaka-chaund mein ab tujh ko pukarun kaise Sail-e-anwar mein taron ka guzar kya hoga Tah-e-daman jo charaghon ko chhupae rakhun Sochta hun ki phir anjam-e-safar kya hoga Mujh ko aawaz na de waqt ke sahraon mein Main bahut dur bahut dur nikal aaya hun Main ufuq par bhi nahin hun main falak par bhi nahin Main tere mazi-e-marhum ka ek saya hun