ji chaahtaa hai falak pe jaon

Jee chaahtaa hai falak pe jaaon Sooraj ko ghuroob se bachaa.oon Bas meraa chale jo gardishon par Din ko bhee na chaand ko bujhaa.oon Main chhoD ke seedhe raaston ko BhaTkee huee nekiyaan kamaa.oon Imkaan pe is qadar yaqeen hai Sahraaon men biij Daal aa.uun Main shab ke musaafiron kee khaatir Mish.al na mile to ghar jalaa.oon Ash.aar hain mere isti.aare Aao tumhen aa.ine dikhaa.oon Yuun baT ke bikhar ke rah gaya hoon Har shakhs men apna aks paa.oon Awaaz jo duun kisee ke dar par Andar se bhee khud nikal ke aa.uun Ai chaaragaraan-e-asr-e-haazir Faulaad kaa dil kahaan se laa.oon Har raat duaa karoon sahar kee Har sub.h nayaa fareb khaa.oon Har jabr pe sabr kar raha hoon Is tarah kaheen ujaD na jaaon Ronaa bhee to tarz-e-guftugoo hai Aankhen jo ruken to lab hilaa.oon Khud ko to 'nadeem' aazmaayaa Ab mar ke khuda ko aazmaa.oon