lab e khaamosh se ifshaa hogaa

Lab-e-khaamosh se ifshaa hogaa Raaz har rang men rusvaa hogaa Dil ke sahraa men chalee sard havaa Abr gulzaar pe barsaa hogaa Tum naheen the to sar-e-baam-e-khayaal Yaad kaa koee sitaara hogaa Kis tavaqqo.a pe kisee ko dekhen Koee tum se bhee haseen kya hogaa Zeenat-e-halqa-e-aaghosh bano Duur baiThoge to charchaa hogaa Jis bhee fankaar kaa shahkaar ho tum Us ne sadiyon tumhen sochaa hogaa Aaj kee raat bhee tanhaa hee kaTee Aaj ke din bhee andheraa hogaa Kis qadar karb se chaTkee hai kalee Shaakh se gul koee TuuTaa hogaa Umr bhar ro.e faqat is dhun men Raat bheegee to ujaalaa hogaa Saaree Dunya hamen pahchaantee hai Koee ham saa bhee na tanhaa hogaa