lazzat e aagahii

Main ajiib lazzat-e-aagahee se do chaar hoon Yahee aagahee miraa lutf hai miraa karb hai Ki main jaantaa hoon Main jaantaa hoon ki dil men jitnee sadaaqaten hain Vo tiir hain Jo chalen to naghma sunaa.ee de Jo hadaf pe jaa ke lagen to kuch bhee na bach sake Ki sadaaqaton kee nafee hamaaree hayaat hai Mire dil men aisi haqeeqaton ne panaah lee hai Ki jin pe ek nigaah Daalnaa Soorajon ko butoon-e-jaan men utaarnaa hai Main jaantaa hoon Ki haakimon kaa jo hukm hai Vo dar-asl adl kaa khauf hai Vo sazaa.en dete hain Aur nahin jaante Ki jitnee sazaa.en hain Vo sitamgaree kee ridaa.en hain Mujhe ilm hai Yahee ilm meraa suroor hai ye ilm meraa azaab hai Yahee ilm miraa nasha hai Aur mujhe ilm hai Ki jo zahr hai wo nashe kaa doosraa naam hai Main ajiib lazzat-e-aagahee se do-chaar hoon Main ajib lazzat-e-agahi se do chaar hun Yahi aagahi mera lutf hai mera karb hai Ki main jaanta hun Main jaanta hun ki dil mein jitni sadaqaten hain Wo tir hain Jo chalen to naghma sunai de Jo hadaf pe ja ke lagen to kuch bhi na bach sake Ki sadaqaton ki nafi hamari hayat hai Mere dil mein aisi haqiqaton ne panah li hai Ki jin pe ek nigah Dalna Surajon ko butun-e-jaan mein utarna hai Main jaanta hun Ki hakimon ka jo hukm hai Wo dar-asl adl ka KHauf hai Wo sazaen dete hain Aur nahin jaante Ki jitni sazaen hain Wo sitamgari ki ridaen hain Mujhe ilm hai Yahi ilm mera surur hai ye ilm mera azab hai Yahi ilm mera nasha hai Aur mujhe ilm hai Ki jo zahr hai wo nashe ka dusra nam hai Main ajib lazzat-e-agahi se do-chaar hun