main kisi shakhs se bezaar nahin ho saktaa

Main kisee shakhs se bezaar nahin ho saktaa Ek zarra bhee to be-kaar nahin ho saktaa Is qadar pyaar hai insaan kee khataaon se mujhe Ki farishta miraa me.aar nahin ho saktaa Ai khuda phir ye jahannam kaa tamaashaa kiyaa hai Teraa shahkaar to finnaar nahin ho saktaa Ai haqeeqat ko faqat khvaab samajhne vaale Too kabhi saahab-e-asraar nahin ho saktaa Too ki ik mauja-e-nik.hat se bhee chaunk uThtaa hai Hashr aataa hai to bedaar nahin ho saktaa Sar-e-deevaar ye kyuun nirkh kee takraar huee Ghar kaa aangan kabhi baazaar nahin ho saktaa Raakh see majlis-e-aqvaam kee Chutki men hai kya Kuch bhee ho ye miraa pindaar nahin ho saktaa Is haqeeqat ko samajhne men luTaayaa kya kuch Meraa dushman miraa gham-khvaar nahin ho saktaa Main ne bhejaa tujhe aivaan-e-hukoomat men magar Ab to barson tiraa deedaar nahin ho saktaa Teergee chaahe sitaaron kee sifaarish laa.e Raat se mujh ko sarokaar nahin ho saktaa Wo jo sheron men hai ik shai pas-e-alfaaz 'nadeem' Us kaa alfaaz men iz.haar nahin ho saktaa