main wo shaaer hoon jo shaahon kaa sanaa khvaan na huaa

Main wo shaa.er hoon jo shaahon kaa sanaa-khvaan na huaa Ye hai wo jurm jo mujh se kisee unvaan na huaa Is gunah par miree ik umr andhere men kaTee Mujh se is maut ke mele men charaaghaan na huaa Kal jahaan phuul khile jashn hai zakhmon kaa vahaan Dil wo gulshan hai ujaD kar bhee jo veeraan na huaa Aankhen Kuch aur dikhaatee hain magar zehn Kuch aur Baagh mahke magar ehsaas-e-bahaaraan na huaa Yuun to har daur men girte rahe insaan ke nirkh In ghulaamon men koee yoosuf-e-kan.aan na huaa Main khud aasooda hoon kam-kosh hoon yaa pathar hoon Zakhm khaa ke bhee mujhe dard kaa irfaan na huaa Saaree Dunya mutalaatim nazar aatee hai 'nadeem' Mujh pe ik tanz huaa rauzan-e-zindaan na huaa