maruun to main kisi chehre men rang bhar jaon

Maroon to main kisee chehre men rang bhar jaaon 'nadeem' kaash yahee ek kaam kar jaaon Ye dasht-e-tark-e-mohabbat ye tere qurb kee pyaas Jo izn ho to tiree yaad se guzar jaaon Miraa vajood miree ruuh ko pukaartaa hai Tiree taraf bhee chaloon to Thahar Thahar jaaon Tire jamaal kaa partav hai sab haseenon par Kahaan kahaan tujhe DhoonDoon kidhar kidhar jaaon Main zinda thaa ki tiraa intizaar khatm na ho Jo too milaa hai to ab sochtaa hoon mar jaaon Tire sivaa koee shaa.ista-e-wafa bhee to ho Main tere dar se jo uTThoon to kis ke ghar jaaon Ye sochtaa hoon ki main but-parast kyuun na huaa Tujhe qareeb jo paa.oon to khud se Dar jaaon Kisee chaman men bas is khauf se guzar na huaa Kisee kalee pe na bhoole se paanv dhar jaaon Ye jee men aatee hai takhleeq-e-fan ke lamhon men Ki Khoon ban ke rag-e-sang men utar jaaon