mujhe talaash karo shajar se Toot ke jab main giraa kahaan pe giraa

Shajar se Toot ke jab main giraa kahaan pe giraa Mujhe talaash karo Jin aandhiyon ne miree sar-zameen udheDee thee Vo aaj maulid-e-eesaa men gard uDaatee hain Jo ho sake to unhee se miraa pata poochho Mujhe talaash karo Chalee jo mashriq-o-maghrib se tund-o-tez havaa Mire shajar ne mujhe pyaar se sameT liyaa Mujhe lapeT liyaa apnee kitnee baahon men Ye be-lihaaz anaasir magar ba-zid hee rahe Main barg-e-sabz giraa barg-e-zard kee maanind Usee sulagtee huee raakh see pataavar men Jo bichh rahi hai ufuq se ufuq ke paar talak Mujhe talaash karo Shajar se kaT ke zabaan kaT ga.ee na ho meree Main cheekhtaa hoon magar harf-e-naa-shuneeda hoon Hayaat-e-taaza hai meree shajar se meraa milaap Ki bas vahee miree baaleedgee kaa mamba.a hai Jo regzaar men chhitnaar dekhne hain tumhen Mujhe talaash karo Falak ke raaz to khulte rahenge ham-nafaso Mire vajood kaa bhee ab to raaz faash karo Mujhe talaash karo Shajar se TuT ke jab main gira kahan pe gira Mujhe talash karo Jin aandhiyon ne meri sar-zamin udheDi thi Wo aaj maulid-e-isa mein gard uDati hain Jo ho sake to unhi se mera pata puchho Mujhe talash karo Chali jo mashriq-o-maghrib se tund-o-tez hawa Mere shajar ne mujhe pyar se sameT liya Mujhe lapeT liya apni kitni bahon mein Ye be-lihaz anasir magar ba-zid hi rahe Main barg-e-sabz gira barg-e-zard ki manind Usi sulagti hui rakh si patawar mein Jo bichh rahi hai ufuq se ufuq ke par talak Mujhe talash karo Shajar se kaT ke zaban kaT gai na ho meri Main chiKHta hun magar harf-e-na-shunida hun Hayat-e-taza hai meri shajar se mera milap Ki bas wahi meri baalidgi ka mamba hai Jo regzar mein chhitnar dekhne hain tumhein Mujhe talash karo Falak ke raaz to khulte rahenge ham-nafaso Mere wajud ka bhi ab to raaz fash karo Mujhe talash karo