pas e aaiina

Mujhe jamaal-e-badan kaa hai e'tiraaf magar Main kya karoon ki varaa-e-badan bhee dekhtaa hoon Ye kaa.enaat faqat ek rukh nahin rakhtee Chaman bhee dekhtaa hoon aur ban bhee dekhtaa hoon Miree nazar men hain jab husn ke tamaam andaaz Main fan bhee dekhtaa hoon fikr-o-fan bhee dekhtaa hoon Nikal gaya hoon fareb-e-nigaah se aage Main aasmaan ko shikan-dar-shikan bhee dekhtaa hoon Vo aadmee ki sabhee ro.e jin kee mayyat par Main us ko zer-e-kafan khanda-zan bhee dekhtaa hoon Main jaantaa hoon ki khursheed hai jalaal-ma.aab Magar ghuroob se khud ko rihaa.ee deta nahin Main sochtaa hoon ki chaand ik jamaal-paara hai Magar wo rukh jo kisee ko dikhaa.ee deta nahin Main sochtaa hoon haqeeqat kaa ye tazaad hai kya Khudaa jo deta hai sab kuch khudaai deta nahin Vo log zauq se aaree hain jo ye kahte hain Ki ashk TooTtaa hai aur sunaa.ee deta nahin Badan bhee aag hai aur ruuh bhee jahannam hai Miraa qusoor ye hai men duhaa.ee deta nahin Mujhe jamal-e-badan ka hai e'tiraf magar Main kya karun ki wara-e-badan bhi dekhta hun Ye kaenat faqat ek ruKH nahin rakhti Chaman bhi dekhta hun aur ban bhi dekhta hun Meri nazar mein hain jab husn ke tamam andaz Main fan bhi dekhta hun fikr-o-fan bhi dekhta hun Nikal gaya hun fareb-e-nigah se aage Main aasman ko shikan-dar-shikan bhi dekhta hun Wo aadmi ki sabhi roe jin ki mayyat par Main us ko zer-e-kafan KHanda-zan bhi dekhta hun Main jaanta hun ki KHurshid hai jalal-maab Magar ghurub se KHud ko rihai deta nahin Main sochta hun ki chand ek jamal-para hai Magar wo ruKH jo kisi ko dikhai deta nahin Main sochta hun haqiqat ka ye tazad hai kya KHuda jo deta hai sab kuch KHudai deta nahin Wo log zauq se aari hain jo ye kahte hain Ki ashk TuTta hai aur sunai deta nahin Badan bhi aag hai aur ruh bhi jahannam hai Mera qusur ye hai mein duhai deta nahin