phuulon se lahuu kaise tapaktaa huaa dekhuun

Phoolon se lahoo kaise Tapaktaa huaa dekhoon Aankhon ko bujhaa luun ki haqeeqat ko badal duun Haq baat kahoongaa magar ai jur.at-e-iz.haar Jo baat na kahnee ho vahee baat na kah duun Har soch pe khanjar saa guzar jaataa hai dil se Hairaan huun ki sochoon to kis andaaz men sochoon Aankhen to dikhaatee hain faqat barf se paikar Jal jaatee hain poren jo kisee jism ko chhoo luun Chehre hain ki marmar se taraashee huee lauhen Baazaar men yaa shahr-e-khamoshaan men khaDaa huun SannaaTe uDaa dete hain awaaz ke purze Baaron ko agar dasht-e-museebat men pukaaroon Miltee naheen jab maut bhee maange se to yaarab Ho izn to main apnee saleeb aap uThaa luun