qayaamat

Chalo ik raat to guzree Chalo saffaak zulmat ke badan kaa ek TukDaa to kaTaa Aur waqt kee be-intihaa.ee ke samundar men Koee taaboot girne kee sadaa aa.ee Ye maanaa raat aankhon men kaTee Ek ek pal but saa ban kar jam gaya Ik saans to ik sadee ke baad phir se saans lene kaa khayaal aayaa Ye sab sach hai ki raat ik karb-e-be-paayaan thee Lekin karb hee takhleeq hai Ai pau phaTe ke dilrubaa lamho gavaahee do Yoonhee kaTtee chalee jaa.engee raaten Aur phir wo aaftaab ubhregaa Jo apnee shuaaon se abad ko raushnee bakhshegaa Phir koi andheree dhartee ko na chhoo paa.egaa Daanaayaan-e-maz.hab ke mutaabiq hashr aa jaa.egaa Lekin hashr bhee ik karb hai Har karb ik takhleeq hai Ai pau phaTe ke dilrubaa lamho gavaahee do Chalo ek raat to guzri Chalo saffak zulmat ke badan ka ek TukDa to kaTa Aur waqt ki be-intihai ke samundar mein Koi tabut girne ki sada aai Ye mana raat aankhon mein kaTi Ek ek pal but sa ban kar jam gaya Ek sans to ek sadi ke baad phir se sans lene ka KHayal aaya Ye sab sach hai ki raat ek karb-e-be-payan thi Lekin karb hi taKHliq hai Ai pau phaTe ke dilruba lamho gawahi do Yunhi kaTti chali jaengi raaten Aur phir wo aaftab ubhrega Jo apni shuaon se abad ko raushni baKHshega Phir koi andheri dharti ko na chhu paega Danayan-e-mazhab ke mutabiq hashr aa jaega Lekin hashr bhi ek karb hai Har karb ek taKHliq hai Ai pau phaTe ke dilruba lamho gawahi do