ruuh labon tak aa kar soche

Ruuh labon tak aa kar soche kaise chhoDoon qarya-e-jaan Yoosuf qasr-e-shahee men bhee kab bhoolaa kan.aan kee galiyaan Maut qareeb aa.ee to dunya kitnee muqaddas lagtee hai Kaahish-e-dil bhee khwaish-e-dil hai aafat-e-jaan bhee raahat-e-jaan Meree vahshat ko to bahut thee gosha-e-chashm-e-yaar kee sair Yuun to adam men vus.at hogee arsh-ba-arsh karaan-ba-karaan Ghunche ab tak rang bhare hain ab tak honT umang-bhare TooTee-phooTee qabron se hain pathraa.ee aankhen nigaraan Sirf ik nigah-e-garm se TooTen sho.alon men parvaan chaDhen Haa.e ye naazuk naazuk rishte haa.e ye bazm-e-sheesh-garaan Dasht-o-daman men koh kamar men bikhre hue hain phuul hee phuul Roo-e-nigaar-e-geetee par hain sabt mire boson ke nishaan Aankh kee ik jhapkee men biitaa kitne baras kaa qurb-e-jamaal Ishq ke ik pal men guzre hain kitne qaran kitnee sadiyaan Saaree dunya meraa ka.aba sab insaan mere mahboob Dushman bhee do ek the lekin dushman bhee to the insaan Dard-e-hayaat kaheen ab jaa kar banne lagaa tha husn-e-hayaat Kis ko khabar thee mahv rahegee qat-e-safar men umr-e-ravaan Jannat kee yakh-bastagyon ko garmaa.egaa us kaa khayaal Sub.h-e-abad tak jamee rahe ye anjuman-e-aatish-e-nafasaan Ruh labon tak aa kar soche kaise chhoDun qarya-e-jaan Yusuf qasr-e-shahi mein bhi kab bhula kanan ki galiyan Maut qarib aai to duniya kitni muqaddas lagti hai Kahish-e-dil bhi KHwahish-e-dil hai aafat-e-jaan bhi rahat-e-jaan Meri wahshat ko to bahut thi gosha-e-chashm-e-yar ki sair Yun to adam mein wusat hogi arsh-ba-arsh karan-ba-karan Ghunche ab tak rang bhare hain ab tak honT umang-bhare TuTi-phuTi qabron se hain pathrai aankhen nigaran Sirf ek nigah-e-garm se TuTen shoalon mein parwan chaDhen Hae ye nazuk nazuk rishte hae ye bazm-e-shish-garan Dasht-o-daman mein koh kamar mein bikhre hue hain phul hi phul Ru-e-nigar-e-giti par hain sabt mere boson ke nishan Aankh ki ek jhapki mein bita kitne baras ka qurb-e-jamal Ishq ke ek pal mein guzre hain kitne qaran kitni sadiyan Sari duniya mera kaba sab insan mere mahbub Dushman bhi do ek the lekin dushman bhi to the insan Dard-e-hayat kahin ab ja kar banne laga tha husn-e-hayat Kis ko KHabar thi mahw rahegi qat-e-safar mein umr-e-rawan Jannat ki yaKH-bastagyon ko garmaega us ka KHayal Subh-e-abad tak jami rahe ye anjuman-e-atish-e-nafasan