saans lenaa bhi sazaa lagtaa hai

Saans lenaa bhee sazaa lagtaa hai Ab to marnaa bhee ravaa lagtaa hai Koh-e-gham par se jo dekhoon to mujhe Dasht aaghosh-e-fanaa lagtaa hai Sar-e-baazaar hai yaaron kee talaash Jo guzartaa hai khafaa lagtaa hai Mausam-e-gul men sar-e-shaakh-e-gul Sho.ala bhaDke to bajaa lagtaa hai Muskuraataa hai jo is aalam men Ba-khuda mujh ko khuda lagtaa hai Itnaa maanoos hoon sannaaTe se Koi bole to buraa lagtaa hai Un se mil kar bhee na kaafoor huaa Dard ye sab se judaa lagtaa hai Nutq kaa saath nahin deta zehn Shukr kartaa hoon gila lagtaa hai Is qadar tund hai raftaar-e-hayaat Waqt bhee rishta-bapaa lagtaa hai