safar aur ham safar

Jangal jangal aag lagee hai bastee bastee veeraan hai Khetee khetee raakh uDtee hai dunya hai ki bayaabaan hai SannaaTe kee haibat ne saanson men pukaaren bhar dee hain Zehnon men mab.hoot khayaalon ne talvaaren bhar dee hain Qadam qadam par jhulse jhulse khvaab paDe hain raahon men Sub.h ko jaise kaale kaale diye ibaadat-gaahon men Ek ik sang-e-meel men kitnee aankhen hain pathraa.ee huee Ek ik naqsh-e-qadam men kitnee raftaaren kafnaa.ee huee Ham-safro ai ham-safro kuch aur bhee nazdeek aa ke chalo Jab chalnaa hee muqaddar Thahraa haath men haath milaa ke chalo Jangal jangal aag lagi hai basti basti viran hai Kheti kheti rakh uDti hai duniya hai ki bayaban hai SannaTe ki haibat ne sanson mein pukaren bhar di hain Zehnon mein mabhut KHayalon ne talwaren bhar di hain Qadam qadam par jhulse jhulse KHwab paDe hain rahon mein Subh ko jaise kale kale diye ibaadat-gahon mein Ek ek sang-e-mil mein kitni aankhen hain pathrai hui Ek ek naqsh-e-qadam mein kitni raftaren kafnai hui Ham-safro ai ham-safro kuch aur bhi nazdik aa ke chalo Jab chalna hi muqaddar Thahra hath mein hath mila ke chalo